Tempus æquabile, quod verum dici solet, diurnæ non solis sed Fixarum revolutioni proportionale est et inde condendæ sunt Tabulæ pro æquatione Temporis.

In Observatorio Regio Grenovicensi, Anno Christi 1701 ineunt ad meridiem Kal.Kalendarum Ian.Ianuarij stylo veteri, erit medius motus Solis 9s.21gr.42′.38″ Apogæi ejus 3s.07gr.44′.30″, Lunæ 10s.28gr.30′.12″ & Apogæi ejus 11s.08gr.25′.14″.

Uraniburgum est orientalius Observatorio Regio Parisiensi 00h.42′.10″ & hoc Observatorium est orientalis Grenovicensi 00h.09′.15″, et inde per reductionem habentur motus illi medij eodem die et hora ad meridianum Uraniburgi, vizt Solis 9s.21gr.40′.32″ Apogæi ejus 3s.07gr.44′.30″ Lunæ 10s.28gr.01′.58″ & Apogæi ejus 11s.8gr.25′.00″. Et ante undecim dies seu meridie Kal.Kalendarum Ian.Ianuarij stylo novo erit motus medius Solis 9s.11gr.50′.00″ Apogæi ejus 3s.7gr.44′.32″, Lunæ 6s.03gr.05′.33″ & Apogæi ejus 11s.07gr.11′.28″.

Maxima Solis Prostaphæresis quæ Keplero est plusquam 2gr.3′ debet esse tantum 1gr.56′.20″.

Ubi hæc æquatio additur vel subducitur medio motui Solis debet ejus pars decima e contra subduci vel addi medio motui Lunæ. Nam medius motus Solis Lunæ non est uniformis sed per vices tardescit et acceleratur propterea quod Orbis Lunæ dilatatur in perigæo Solis et contrahitur in ejus Apogæo.

Postquam motus medius Lunæ sic correctus habetur, reliqua peragenda sunt per Tabulas Kepleri: et Æquinoctium vernum incidet semper in diem horam et minutum ubi longitudo Solis per hoc computum prodit 00s.00gr.00′.00″.